Tirana, Berisha drejt Leganes, Doka te Osijek

Filed under: Sporti shqiptar |
Hotels, Online Hotel Reservations, Cheap and Luxury Hotel Deals, Best Hotel Rates - booked.net

Tirana i ka kthyer radarët nga merkatoja në dalje për të shëndoshur financat në prag të një sezoni të vështirë dhe disi anormal. Klubi bardheblu po korr frytet e një pune të suksesshme me akademinë dhe kjo duket në interesimin që kanë shfaqur skuadra të ndryshme europiane për lojtarët e ekipit kryeqytetas. I fundit në listë është talenti Elvi Berisha, për të cilin ka shfaqur interes klubi spanjoll i Leganes. Pas provës së kryer në klunin iberik, 18-vjeçari i rritur në akademinë bardheblu, është pranë firmës pasi ka arritur të bindë drejtuesit teknikë të skuadrës spanjolle. Sipas informacioneve, klubi nga rrethinat e Madridit ka kontaktuar edhe ish zv/trajnerin e Kombëtares, Paolo Tramezzani për të marrë informacione rreth 18-vjeçarit, duke vendosur transferimin e tij në kryeqytetin e Spanjës.

Për këtë operacion, Tirana pritet të arkëtojë rreth 270 mijë Euro pasi do të llogaritet mosha e rritjes dhe në bazë të llogarive, lojtari është aktivizuar për 3 sezone në ekipet zinxhir të Tiranës. Berisha është grumbulluar në ekipin e parë të Tiranës gjatë sezonit të shkuar ndërsa ai është pjesë e KOmbëtares së 19-vjeçarëve të drejtuar nga Erjon Bogdani. Një tjetër front ku po punohet për të finalizuar disa largime është edhe Osijeku në Kroaci që pas dakordësisë për të blerë dyshen Acquah-Merveille, po këmbëngul për të transferuar edhe mbrojtësin Albi Doka. Drejtori sportiv i klubit kroat synon edhe 20-vjeçarin bardheblu duke planifikuar për të një vit huazim te hungarezët e Videoton.