Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

PSG e nis me trofe, mposht Monaco-n në Superkupën e Francës

Filed under: Sporti neper bote |

Sezoni nisi menjëherë me një trofe për PSG. Të udhëhequr nga i sapoardhuri Dani Alves, kryeqytetasit kanë përmbysur Monaco-n, duke fituar 2-1 në Superkupën e Francës.

Pjesa e parë u mbyll me fitoren minimale të Monaco-s, me golin e shënuar në minutën e 30 nga Sidibe, por në pjesën e dytë PSG ishte një tjetër skuadër.

Me të filluar 45 minutat e dyta, braziliani Dani Alves u bë protagonist i një supergoli, duke realizuar nga goditja e dënimit, ndërsa 12 minuta më pas ish-lojtari i Juventusit dhuroi një asist perfekt për Rabiot.

Në minutat e mbetura, PSG arriti të administrojë rezultatin dhe të sigurojë trofeun e parë për këtë sezon të sapo nisur.