Hotels, Online Hotel Reservations, Cheap and Luxury Hotel Deals, Best Hotel Rates - booked.net

Enver Hoxha më 1952: Nexhmija vetëm një herë ka qenë fashiste

Filed under: Koha e Komunizmit |
Hotels, Online Hotel Reservations, Cheap and Luxury Hotel Deals, Best Hotel Rates - booked.net

16142352_1207688645945635_968651825860911846_nNga,Kastriot Dervishi ! Sot po publikoj një dokument tjetër që provon se Nexhmije Xhunglini ka qenë anëtare e Partisë Fashiste në vitet 1941-1942. Kur publikova dokumentin e parë që provonte anëtarësimin e saj në Partinë Fashiste, kisha rastin të vëreja lloj-lloj reagimesh nervoze që synonin të vinin në dyshim një fakt historik. Sigurisht kisha disa prova që nuk e vinin në diskutim këtë fakt. Pëlqeva që provat t’i vendosja në hapësirë kohore të ndryshme.
Nga praktika të cilën e posedoj qysh nga viti 2010, po postoj një provë tjetër, sigurisht për ta lexuar në radhë të parë enveristët, të cilët vetëm Enver Hoxhën besojnë. Natyrisht kam edhe prova të tjera, të cilat do postohen në kohë të tjera. Enver Hoxha jo vetëm ia mbajti dokumentin bashkëshortes së tij, por edhe e përhapi si informacion. Faktin e anëtarësisë në Nexhmijes në GLA, strukturë që bënte pjesë në fashin e Tiranës të Partisë Fashiste (e qartë në formularin e regjistrimit), e ka bërë të ditur edhe Enver Hoxha gjatë një analize të datës 3 prill 1952 kur diskutoheshin kandidaturat në Komitetin Qendror të Partisë së Punës. Në këtë fjalë, Enver Hoxha thotë:
“Biografinë, shoqja Nexhmije e ka të mirë, vetëm një herë ka qenë në GLA. Rrjedh nga shtresë nëpunësi të ulët. Që kur ishte e re ka punuar kundra italianëve dhe bënte pjesë në grupin komunist të Shkodrës. Vazhdimisht ka punuar me rininë dhe gjatë kohës që është hedhur në ilegalitet ka punuar edhe në forume. Çështjet i kupton mirë, vetëm se duhet të bëjë më shumë përpjekje për ngritjen e saj dhe të punojë me më shumë vullnet se shumë herë i heq zvarrë çështjet. Asaj i duhet gjithashtu të përmirësojë edhe metodën e punës pse merret me shumë gjëra të vogla. Gabime në vijë nuk bën pse është edhe vigjilente. Një e metë e saj është se pak i ka ndihmuar vartësit e saj dhe shumë pak ka shkuar në terren. Ajo duhet të bëjë më shumë përpjekje për lartësimin e saj pse është në sektorin e agjitpropit dhe megjithatë dhe megjithatë nuk hap shumë libra me dorë dhe gjithnjë e sheh me shkresa. Kështu sigurisht që nuk mund të kalohet me njerëzit e agjitpropit. Këto të meta, ajo i ka, po ne mendojmë se i ka garancitë për të qenë në listë”.